Әлеуметтік желіде қазақстандық банктің жалған парақшасы пайда болды, деп хабарлайды Newsroom+ақпарат агенттігі. Stopfake порталының редакциясына Facebook-тегі парақшаны тексеруді сұраған оқырман жүгінген.

Басылым мәліметінше, бұл – фейк парақша.

«Бұл алаяқтардың ісі! Сақ болыңыздар және шоттар бойынша ақпарат бермеулеріңізді сұраймыз», – деді банк өкілдері.

Сондай-ақ, аккаунттың жалған екенін парақшаны верификациялайтын арнайы белгілердің болмауынан және мекеменің акциялары мен жұмысы туралы тиісті ақпараттың жоқтығынан байқауға болады. Мұның бәрі Halyk Bank-тің ресми аккаунтында жарияланған.

Дербес деректерді немесе төлем карталары туралы ақпаратты үшінші тұлғаларға ешбір жағдайда хабарлауға болмайды. Құпия сөз бен шоттарға кіру кодтарын банк қызметкерлеріне де айтуға болмайды.