Түркістан облысы әкімінің баспасөз қызметі хабарлайды!

Құрылыс материалдарының негізсіз өсуін болдырмау басты назарда тұр. Түркістан облысы әкімінің орынбасары М. Мырзалиевтің төрағалығымен өткен жиында баға тұрақтылығын ұстау бойынша меморандумға қол қойылды. Қазіргі таңда Түркістан облысында, 40-тан аса құрылыс материалдарын өндіретін кәсіпорындар жұмыс істейді. Аталған кәсіпорындар негізінен темір-бетон бұйымдарын, инертті материалдарды, битум, әк және цемент өндіреді. Құрылыс материалдарының 36 позициясы бойынша талдау жүргізілді. Бұл негізінен инертті материалдар, темір-бетон бұйымдар, цемент, арматура, бұрыш, швеллер, арқалықтар және т.б. Талдауға сәйкес, материалдардың 15 позициясын, инертті материалдарды, күйдірілген кірпіштерді, тауарлық бетонды, битум, цемент, электр кабелін, модульдік қазандарды немесе қазандықтарды және жиһазды Түркістан облысының кәсіпорындары 100% қамтамасыз етеді.

«Қазақстан Республикасының Тұңғыш Президенті Елбасы Н.Ә.Назарбаевтың Түркістанды түркі әлемінің рухани орталығына айналдыру жөніндегі тапсырмасына орай қазіргі таңда облыс көлемінде жанды жұмыстар жүргізіліп жатқаны жұртшылыққа аян. Осы аталған тапсырманы орындау үшін Түркістан облысы әкімдігі осы кездесуді ұйымдастырып отыр. Кездесуде бизнес пен бизнестің бір-бірімен келісетінін білдірді және бизнес өкілдері өз ойларын айтуға мүмкіншілік беретін кездесу»-деді М Мырзалиев.

Кездесу нәтижесінде, облыстағы құрылыс материалдарын шығаратын кәсіпорын басшылары өздерінің шығарған өнімдеріне бағаны көтермеуге уәде етті. Құрылыс компаниялары өз кезегінде, жергілікті қамтудың үлесін арттыру үшін, құрылысқа жергілікті құрылыс материалдарын шығаратын кәсіпорындардың өнімдерін пайдаланатынын жеткізді.