Әлемнің 90 пайызы вакцина туралы біледі

Биыл 20–23 наурыз аралығындағы кездесудің қорытындысы бойынша ДДҰ иммундау бойынша сарапшылардың стратегиялық консультативтік тобы (ССКТ) инфекциялау және вакциналау нәтижесінде қол жеткізілген ұжымдық иммунитеттің жоғары деңгейі мен «омикрон» штамының оған әсерін көрсету үшін COVID-19 вакциналарын қолдану басымдылықтарын анықтау бойынша жол картасын қайта қарады, деп хабарлайды Turkistan Today.

COVID-19 пандемиясына дейін әлемде бірнеше жұқпалы аурулар болған, оларға қарсы балалар ондаған жылдар бойы вакцинацияланған. Мәселен, ДДҰ деректері бойынша, 2021 жылы әлемдегі ең көп нәресте туберкулезге қарсы БЦЖ вакцинасымен қамтылған: балалардың 84%-ы. 90-шы жылдардан бастап балалардың көпшілігі туберкулезге қарсы егілді — мысалы, 1980 жылы егілгендердің үлесі бар болғаны 15% болса, 1990 жылы 81% болды.

2021 жылы балалардың 81%-ы дифтерия, сіреспе және көкжөтелге қарсы, сондай-ақ қызылшаға қарсы егілді.

Көбіне, кәмелетке толмағандар В гепатиті, полиомиелит және гемофилді тұмауға қарсы вакцинацияланған: балалардың 71%-дан 80%-на дейін. Балалардың үштен екісі қызамыққа қарсы егілді. Ең аз балалар ротавирус пен сары безгекке қарсы егілді.

Бүгінгі күні әлемде қызылшаға (92%–94%), желшешек пен паротитке (90%–92%), қызамыққа (83%–86%), полиомиелитке (80%–86%), көкжөтелге (82%), шешекке (71%–83%), COVID-19-ке (65%) және дифтерияға (62%) қарсы ұжымдық иммунитеттің жоғары деңгейі қалыптасқан.

АИТВ/ЖИТС (50%–80%), ЖРВИ (50%–75%), суық тию (50%–67%) сияқты ауруларға ұжымдық иммунитет орташа деңгейде. Эболаға (бар болғаны 44%) және тұмауға (бар болғаны 23%) қарсы ұжымдық иммунитет төмен.

Wellcome Global Monitor 2018 есебіне сәйкес, әлемнің бірнеше аймағында халықтың вакцинация туралы пікіріне сауалнама жүргізілген. Нәтижесінде әлем халқының 89%-ы вакцинадан хабардар болып шықты. Ең жоғары хабардар болу деңгейі Солтүстік Америкада, сондай-ақ Австралия мен Жаңа Зеландияда (әрқайсысы 98%) тіркелді, ең төмен көрсеткіш Оңтүстік Африкада (бар болғаны 44%) байқалды.

Алайда сауалнамаға қатысқандардың тек 61%-ы вакцина қауіпсіз деп есептеген. Вакциналарға деген сенімнің ең жоғары деңгейі Оңтүстік Азия тұрғындары арасында (85%), ең төменгісі — Батыс Еуропа тұрғындары арасында (бар болғаны 36%) байқалды.

Вакциналарды әлем халқының 63% тиімді деп санаған.

Балалар үшін вакцинацияның маңыздылығын респонденттердің 76%-ы атап өтті. Балаларды вакцинациялауға ең байсалды көзқарас Орталық Африкада болды: халықтың 92% оны маңызды деп санады. Оңтүстік Еуропа мен Шығыс Азияда халықтың 60%-ы ғана балаларға вакцинацияның маңыздылығын атап өтті.