Қазақстанда АИТВ індетін жұқтырғандар саны артып келеді

АИТВ-инфекциясының қауіптілігі – ауруды жұқтырған адам ауру туралы білмей, басқа адамдарға жұқтыру көзі болып табылады.

Дегенмен, инфекция организмде біртіндеп дамып, иммундық жүйенің жасушаларына әсер етеді, иммунитетті төмендетеді. Ақырында ЖИТС диагнозы қойылады – жүре пайда болған иммундық тапшылық синдромы. Аурудың осы кезеңінде адамның иммунитеті айтарлықтай әлсірейді және кез келген ауру адамға өлім қаупін төндіруі мүмкін. Бүгінгі күні аурудың дамуын кешіктіретін

АИТВ-инфекциясына қарсы вакцина жоқ.
АИТВ-ның берілу жолдары туралы білу маңызды. Иммундық тапшылық вирусы ағзаның көптеген биологиялық сұйықтықтарында: қанда, сперматозоидтарда, қынаптық сұйықтықта, емшек сүтінде болады.

Вирус үш жолмен беріледі:

• Қорғалмаған жыныстық қатынас кезінде (презервативсіз немесе басқа қорғаныс құралдарынсыз);

• Қан арқылы, инъекциялық препараттарды енгізуге арналған инелер мен шприцтерді, сондай-ақ стерильді емес медициналық құралдарды пайдалану кезінде;

• Құлақты тесу, денені тесу, татуировка жасау үшін стерильді емес инелерді қолданғанда;

• АИТВ-жұқтырған анадан балаға жүктілік, босану және емшек сүтімен емізу кезінде.

Адамның иммунтапшылығы вирусы келесі жағдайларда жұқпайды: сүйіскенде, жөтелгенде, түшкіру, қол алысу арқылы, жәндіктер мен жануарлардың шағуы арқылы, ортақ ыдыстар арқылы, дәретхана немесе душты ортақ пайдалану кезінде, төсек-орын жаймалары арқылы.

Айта кетелік, вирусты денеде тек арнайы қан сынағы арқылы анықтауға болады - АИТВ антиденелерін анықтау кезінде.