ҚР Ұлттық экономика министрлігі "Ауыл аманаты" бағдарламасын іске асырудың жаңа моделін әзірлеп жатыр,- деп хабарлайды turkistan.today
Ол ауылды дамытуда мемлекеттің негізгі қолдау құралы болмақ.Тұжырымдама шеңберінде инженерлік және әлеуметтік инфрақұрылымды қатар дамыта отырып, келешегі зор ауылдардағы жобаларды іске асыруға баса назар аударылады.
Даму әлеуеті жоғары елді мекендердің тізбесі 2019 жылы анықталып, әкімдіктердің ұсынысымен 2023 жылы өзектендірілді.
Жобаларды орындау кезінде су, жылу, газ, электрмен жабдықтау жүйесі жаңғыртылып, қолайлы әлеуметтік жағдай жасалады.
Бағдарлама ауылдағы кәсіпкерлікті дамытуды көздейді. Қолдау тетігінің ішінде 2,5%-бен шағын несие мен лизинг бар. Қазір министрлік скрининг арқылы елді мекендердің мамандануын анықтау тәсілін, ережелерді жаңартуда.Сонымен қатар, өңірлік ерекшелікті ескере отырып, микронесие беру тізбесі кеңейтілуде. Аумақтардың әлеуметтік-экономикалық дамуындағы басты жаңа қызмет түрлері танылды. Мәселен, Абай мен ШҚО әкімдігінің ұсынысы бойынша тізімге шағын бизнестің перспективалық саласы ретінде туризм енгізілді.
Сондай-ақ ауыл тұрғындарының табысын арттыру, шығындарды қысқарту мен логистиканы дамыту үшін шағын индустриялық аймақтар құру көзделген. Олар өнімді сақтау, өңдеу мен сату алаңына айналып, жергілікті жерлерде жаңа жұмыс орнын ашады.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
