AMANAT: Алматы облысында алдағы 5 жылда дәрігерлер тапшылығы жойылады

Өңірде сайлауалды үгіт-насихат жұмыстары қарқынды жүруде, деп хабарлайды Turkistan Today.

Бүгін Талғар ауданы Нұра ауылдық округінде «AMANAT» партиясы Алматы облыстық филиалы атынан облыстық мәслихат депутаттығына кандидаттар Билалдин Ушуров, Әсел Төлепбергенова тұрғындармен жүздесті. Кездесудің мақсаты – алдағы саяси науқанның маңыздылығын түсіндіру, сайлауалды бағдарламаны насихаттау.

Жиында аудан тұрғындарына партияның Алматы облысын өркендету бастамалары кеңінен түсіндірілді. Кандидаттардың ақпарынша, олардың орындалуы нәтижесінде инженерлік-коммуникациялық, тұрғын үй және жол инфрақұрылымының өзекті мәселелері шешіліп, медициналық қызмет көрсету, білім беру және басқа да салалардағы сапа жақсарады.

«Біздің мақсатымыз – тұрғындар амандығы. Сайлауалды бағдарламаны жүзеге асыру арқылы өңірімізді дамытуға, азаматтарымыздың өмір сүру сапасын жақсартуға күш саламыз. Шаралар нәтижесінде халықтың өмір сүру ұзақтығын 74 жастан 76 жасқа дейін ұлғайтамыз. Денсаулық сақтау ғимараттарының тозуын 30 пайызға дейін төмендетуге қысқартуға мүмкіндік береді. Дәрігерлер тапшылығы жойылады», − деді жүздесуде Билалдин Ушуров.

Кандидаттар мәдениет, туризм, экология саласындағы жаңашылдықтарды да тілге тиек етті. Талғарлықтар өздерін толғандырған қоғамдағы өзекті мәселелерді жеткізіп, шешілу жолдарын қарастыруды атап өтті.

Кандидаттар тұшымды жауап беріп, оларды алдағы саяси кезеңде белсенді болуға шақырды.

Алматы облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді