Айнұр Тұрсынбаева немересіне ерекше есім қойды

Айтыскер ақын, бүгінде нәзік жандыларға мотиватор болып жүрген Айнұр Тұрсынбаева немерелі болды, деп хабарлайды Turkistan Today.

Өткен жылы ұлын үйлендіріп, Түркия елінде дүркіретіп той жасаған еді. Біраз уақыттан соң ұлы мен келіні болашақ сәбилерінің жынысын білу үшін, гендер пати ұйымдастырған еді. 
Бұл туралы алғашқылардың бірі брлып, құттықтауды әнші құрбысы Индира Расылхан әлеуметтік желіде жазды.
“12.09.2022 жылы барша қазақ елі Айнұрдың келін түсіріп, үш күн бойына екі жастың қуанышты тойының куәсі болған едік. Тапжылмай күнде той көріп, тойдың ішінде жүргендей атмосферада болғандарыңыз есімде. Той естеріңіздер ме? Ал бүгін сіздер тілекші болған екі жас сәбилі, Айнурка немерелі болып жатыр.
Әлем Бекланұлы Машааллах, есімнің өзі қандай тамаша! Әлем бағындыратын Әлем болсын. Дені сау, өмір жасы ұзақ болсын!”,-деп жазды.

Естеріңізге сала кетсек, былтыр айтыскер ақын ұлының тойын Түркияда дүркіретіп өткізген болатын. Келген қонақтарға бриллиант көздерімен әшекейлер таратқан. Құда-құдағиын яхтада күткен. Ал ол тойға елімізге танымал өнер жұлдыздары қатысқан еді.