Бәйдібек: ауданда ұлттық спорт түрлерінен жарыс өтті
Бүгін Бәйдібек ауданы, Ағыбет ауылында ұлттық спорт түрлері саятшылық, құмай тазы, көкпар ойындарынан дүбірлі дода өтті.
Бұл іс-шараны өткізудегі негізгі мақсат қазақтың ұлттық спорт түрлерін кеңінен насихаттау аясында ұйымдастырылды, деп хабарлайды Turkistan Today.
Қаратаудың баурайында кең көлемде өткен дүбірлі доданы арнайы Украинадан «Орел и решка» бағдарламасы түсірілім тобымен келіп, жан-жақты бейнетаспаға түсірді. Осы орайда ата-бабамыздан мирас болып келе жатқан саятшылық, құмай тазы, көкпар додасын бүкіләлемге таныту үшін тележоба әзірленді.
Енді аталмыш бағдарлама Қазақстанның барлық аймағындағы көрікті жерлерді түсіріп, туризм саласының дамуына мол үлес қоспақ.
Сіздің реакцияңыз қандай?
