Қазақ жігіті Америкада қарақшыларға тойтарыс беріп, қаруларын тартып алған

Қазақ жігіті Америкада қарақшыларға тойтарыс беріп, қаруларын тартып алған

Әлеуметтік желілерде АҚШ-та жүрген қазақстандық Олжас Қалдыбаевқа қарақшылық шабуыл жасалғаны, қазақ жігіті қылмыскерлерге тойтарыс беріп, қаруларын тартып алғаны туралы видео тарап жатыр, деп Turkistan Today хабарлайды ҚазАқпарат дереккөзіне сүйене отырып.

Болған оқиғаны Олжас Қалдыбаев әлеуметтік желідегі парақшасында баяндап, оқиға орнынан фото, видеолар жүктеді.

Айтуынша, тапанша мен мылтық ұстаған үш жігіт сөмкесін тартып алған. Бірақ кейін олардың бірін қуып жүріп ұстаған және оны жібермей отырып полицейлерді күткен. Барлығын видеоға түсіріп алған. Сол кезде қарақшының екі досы оны босату үшін қайта оралған. Қолдарында пистолет болған. Олар қазақ жігітіне шабуыл жасаған. Алайда, О.Қалдыбаев қарсылық көрсетіп, қаруды тартып алған. Ұрылар қашып кеткен.

Көп ұзамай полицейлер жеткен. Қарақшыларды іздеуге 6 полиция көлігі мен тікұшақ жұмылдырылған.

Полицейлердің бірінің сөзінше, қазақ жігіті қарақшылардан пистолет пен автомат тартып алған, өздерін ұрып-соққан, бірінің тісін сындырған.

«Мұндайды Америкада бұған дейін ешкім көрмеген», - дейді ер жігіттің батылдығына тәнті болған тәртіп сақшысы.

Сіздің реакцияңыз қандай?

like
0
dislike
0
love
0
funny
0
angry
0
sad
0
wow
0