Отыз жасында өмірден өткен Рая Қуанқызы биыл 70 жасқа толар еді. Арада қырық жыл өтсе де, оның бейнесі туған-туыстарының жүрегінде сақталып келеді.
Рая Қуанқызы 1956 жылы Оңтүстік Қазақстан облысының Шолаққорған ауылында дүниеге келген. Ыбырай Алтынсарин атындағы мектепті үздік тәмамдап, М. Әуезов атындағы Шымкент педагогикалық институтының математика факультетін қызыл дипломмен бітірген.
Еңбек жолын мектепте мұғалім болып бастаған ол білімділігі мен еңбекқорлығының арқасында оқу ісі жөніндегі директор орынбасары қызметіне дейін көтерілген. Әріптестері мен шәкірттері оны талапшыл әрі білімі терең ұстаз ретінде еске алады.
Раяның өміріндегі тағы бір маңызды қыры – бауырларына деген қамқорлығы. Курстасы Замира Маханованың естелігінде оның інілерінің болашағына алаңдап, білім алуына көмектескені айтылады. Бауырларының азамат болып қалыптасуына үлкен ықпал еткен.
Рая Қуанқызы 30 жасында дүниеден өтті. Биыл оның 70 жылдығына орай туған-туыстары мен курстастары бас қосып, рухына Құран бағыштап, естеліктерін жаңғыртты.
Інісі Берік Қуанұлы әпкесіне арналған естелігінде қырық жыл ішінде көп нәрсе өзгергенімен, Раяның бейнесі олардың жадында сол қалпы қалғанын жазады.
«Сіз біз үшін жай ғана туған әпке емес, балалық шағымыздың бір бөлшегі, үйіміздің жылуы едіңіз. Біз сізді ұмытқан жоқпыз», – дейді ол.
Рая Қуанқызының қысқа ғұмыры артында отбасыға деген сүйіспеншілік, ұстаздық өнеге және бауырларына жасаған қамқорлықтай өшпес із қалдырды.
+ 7 775 186 2113
Астана қаласы, Мәңгілік Ел көшесі, 8, 17В блок, 204-кабинет (Журналистер үйі)
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
