Түркістан: «Конгресс холл» кешенінің ұжымы Алматы қаласында өнер көрсетті

Фото: Түркістан облысының Өңірлік коммуникациялар қызметі
Фото: Түркістан облысының Өңірлік коммуникациялар қызметі
Түркістан 20 мамыр, 2025

Түркістан қаласындағы «Конгресс холл» көпсалалы кешенінің ұжымы гастрольдік сапармен Алматы қаласында болып қайтты,- деп хабарлайды turkistan.today

Өнер ұжымы оңтүстік астананың тұрғындарының назарына Қанат Жүнісовтың «Алғашқы махаббат» комедиялық спектаклін ұсынды. Сондай-ақ, шығармашылық сапардан оралған өнер ұжымы өздерінің алдағы жоспарларымен бөлісті. Бұл туралы брифингте «Конгресс холл» көпсалалы кешенінің басшысы Асқар Кенехан мәлімдеді.

«Jana lep» ұжымы жыл басталғалы бері бірқатар үлкен қойылымдарды көрермен назарына ұсынды. «Алғашқы махаббат» спектаклі де алматылық талғампаз көрермендердің ыстық ықыласына бөленді. Тіпті, қазақ өнерінің аңызы Асанәлі Әшімов қойылымды жеке өзі тамашалап, жас әртістерге өзінің батасын берді. Одан бөлек, жақында ғана құрылған «Alqonyr» фольклорлық ансамблімен қатар «Samgau» би ансамблі мәдени шаһардың көрермендерінің қошеметіне ие болды. Алдағы уақытта өз облысымыздағы аудандарға шығармашылық сапармен шығуды жоспарлап отырмыз»-деді Асқар Оразханұлы.

Сондай-ақ, брифингке қатысқан «Конгресс холл» көпсалалы кешенінің жас әртісі Бағдат Нысанбай өзінің сапардан алған әсерімен бөлісті.

«Біз бұл сапардан өзіміз үшін көптеген тәжірибе жинадық. Біздің қойылымдарымызға қазақ өнерінің майталмандары өте жоғары баға берді. Бұл әрине біз үшін үлкен абырой. Алдағы уақытта көрермендерге бұдан да жақсы дүниелер ұсынатын боламыз. Қазіргі ұжымның көп бөлігі жастар. Сондықтан да еңбектенуден, ізденуден еш жалықпаймыз»-деп баяндады театр актеры.

 

Ұқсас жаңалық

Редакциямен байланыс

Астана, Ш.Қалдаяков көш, 23/1, 26 кеңсе

info@turkistan.today

Әлеуметтік желілер
Біз туралы

ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024

Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.

Яндекс.Метрика newsroom.kz

© Turkistan Today. Барлық құқық қорғалған.