Түркістан облысында жергілікті тұрғындардың сұранысына сәйкес әлеуметтік нысандардың құрылыс қарқынды жүргізіліп жатыр,- деп хабарлайды turkistan.today
Төлеби ауданының орталығы Ленгір қаласындағы Қапал батыр көшесінде 3 тұрғын үй салынуда. Бес қабатты тұрғын үйлерде жалпы 156 пәтер болады. Нысан биыл жыл соңына дейін аяқталады деп жоспарлануда. Нәтижесінде тұрғын үйі «апатты жағдайда» деп танылған 125 отбасы мен кезекте тұрған 31 отбасы баспаналы болмақ.
Одан бөлек, Мемлекет басшысының тапсырмасымен «Жайлы мектеп» ұлттық жобасы аясында ауданда 3 білім ұясы бой көтеруде. Нақтырақ айтқанда, Достық елді мекенінде 900 орындық, Көксәйек елді мекенінде 600 орындық, Қосағаш елді мекенінде 300 орындықты мектептердің құрылысы қарқынды жүргізіліп жатыр. Қазіргі уақытта жайлы мектеп ғимараттарында ішкі әрлеу, инфрақұрылым тарту, абаттандыру жұмыстары атқарылуда. Нысандар тамыз айына дейін толық аяқталады деп көзделген.
Сонымен қатар аудандағы Көксәйек елді мекенінде спорт кешені салынуда. Қазіргі таңда құрылыс нысанының ішкі әрлеу, ауласын абаттандыру жұмыстары жүргізілуде.
Аудан әкімі Еркеғали Әлімқұлов аудан аумағында салынып жатқан құрылыс нысандарын аралап, жұмыс сапасын тексерді. Мердігер мекеме басшыларына жұмыс барысында жоспардан ауытқу бар екенін ескертіп, жұмысшы санын көбейтуді тапсырды. Кейбір орын алған кемішіліктерді қалпына келтіруге уақыт берді. Әрбір жүргізіліп жатқан құрылыстың сапасы мен уақытылы аяқталуы қатаң бақылауда екенін айтты.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
