Биыл Келес ауданында «Марокко» үйірлі шегірткесіне қарсы күрес жұмыстары қарқынды жүргізілетін болады. Осы бағыттағы жұмыстарға 50-ге жуық азаматтар жұмылдырылып, екі дана ұшақ тартылады. Ал облыстық штаб мүшелері Бозай ауылдық округінде орналасады. Бұл туралы Келес ауданында өткен жиналыста талқыланды, деп хабарлайды Turkistan Today.
Қазіргі таңда аса қауіпті морокко шегірткесінің алғашқы дернәсілдері Келес ауданы бойынша жер бетіне шыққан жоқ. Дегенмен, инспекция мамандары мен уақытша анықтаушылардың көмегімен 193 360 гектар аумақ зерттелді. Нәтижесінде, химиялық өңдеуге жататын жер көлемі 62 850 гектарды құрады. Алғашқы химиялық өңдеу жұмыстары биылғы жылдың сәуір айында басталуы жоспарланып отыр.
Аудан басшысы Жәнібек Ағыбаев жылда орын алатын «Марокко» үйірлі шегірткесіне қарсы күрес жұмыстарына бей-жай қарамай, тиісті әкімшілік бөліністер бойынша алдын алу шараларын ширатуды тапсырды. Қауіп төндіретін аймақтарды қатаң бақылауға алып, тартылатын жұмысшылар бойынша нақтылау шараларын жүргізуді жүктеді.
Түркістан облысы әкімінің баспасөз қызметі
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
