Түркістан облысындағы тұрмыстық қатты қалдықтарды басқару саласындағы өзекті мәселелер бойынша арнайы жиын өтті.
Жиынға Түркістан облысы әкімінің орынбасары Ермек Кенжеханұлы, облыстық табиғи ресурстар және табиғатты пайдалану реттеу басқармасының басшысы мен сала мамандары мен Түркістан облысының санитариялық-эпидемиологиялық бақылау және экология департаментінің өкілдері қатысты. Онда Түркістан облысы бойынша қатты тұрмыстық қалдықтар тастайтын полигондарды оңтайландыру, экологиялық және санитариялық нормаларға сәйкес келтіру жөніндегі Жол картасының жобасы талқыланды, деп хабарлайды Turkistan Today.
Жол картасында қоқыс тастайтын полигон орындарын талапқа сәйкестендіру және полигондарды оңтайландыру жолымен қалдықтарды басқарудың тиімді жүйесін қалыптастыру.
Түркістан облысы табиғи ресурстар және табиғат пайдалануды реттеу басқармасының басшысы Қайрат Абдуалиев өз баяндамасында бүгінгі күні облыс аумағында қатты тұрмыстық қалдықтар тастауға 159 полигон орны белгіленгенін жеткізді. Алайда оның 70 % санитарлық талаптарға сәйкес келмейді.
Сонымен қатар бей-берекет қоқыс орындары да басты назарда. Үстіміздегі жылы ғарыштық түсіріліммен облыста 414 бей-берекет қоқыс үйінділері анықталып, толығымен жойылғандығын мәлімдеді. Өткен жылы қоқыстарды қайта өңдеу үлесі бойынша меже толық орындалған. Биыл жылдық жоспар 23% жоспарланған. Жыл қорытындысымен аталған көрсеткішке қол жеткізіледі деп күтілуде.
Облыс әкімінің орынбасары Ермек Кенжеханұлы жинақталған қатты тұрмыстық қалдықтардың қоршаған ортаға зиян екенін айтып, оны тұрғындардан жинау, тасымалдау және жою мәселесін тұрақты бақылауға алып, жұмыстарды ширатуды тапсырды.
Түркістан облысы әкімінің баспасөз қызметі
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.