Түркістан: Сайрамда экоакция аясында арық-атыздар тазартылды
Сайрам ауданының Арыс ауылдық округінде «Таза Қазақстан» республикалық экологиялық акциясының «Таза өлке» апталығы аясында біршама шаралар қолға алынды,- деп хабарлайды Turkistan.today порталы Түркістан облысының Өңірлік коммуникациялар қызметіне сілтеме жасап.
Атап айтқанда, елдімекен тұрғындары мен қоғам белсенділері, кәсіпорын қызметкерлері және қала жастары Арыс өзенінің бойы мен орталық көшелерді, «Темір баба» кесенесі аумағында тазалық жұмыстарын жүргізді. Жалпы саны 500-ге жуық адамның қатысуымен өткен тазалық акциясында күл-қоқыс шығарылып, 3 шақырым арық-атыз тазартылды.
Сондай-ақ, санитарлық тазалық пен көріктендіру жұмыстары бойынша көше бойлары тазаланып, скверлер аумағындағы ағаштар әктелді. Тұрғындардың қызу қолдауымен қарқынды өткен тазалық акциясында жалпы саны 1 500 түп ағаш көшеттері отырғызылды.
Сіздің реакцияңыз қандай?
