Түркістанда Наурыз мейрамында «GASTRO FEST TURKISTAN - 2023» фестивалі өтті

ашық дереккөз
ашық дереккөз
Түркістан 23 наурыз, 2023

 Бүгін Наурыз мейрамына орай облыс орталығы Түркістан қаласында  «GASTRO FEST TURKISTAN - 2023» фестивалі өтті, деп хабарлайды Turkistan Today.
 


Гастрофестиваль – Түркістан қаласының көрнекті белгісіне айналатын, өңірдегі қоғамдық тамақтандыру саласын дамытуға және гастрономиялық брендін қалыптастыруға үлес қосу мақсатында ұйымдастырылған аймақтағы ауқымды аспаздық бірегей шара. Жәрмеңкені Түркістан облыстық Туризм басқармасының «Open Turkistan» туристтік ақпараттық орталығы ұйымдастырды. 
 


Қаланың 30-ға жуық мейрамханасы мен дәмханасы гастрофест қонақтарына ұлттық тағамдар, жергілікті деликатестер және стрит-фуд дәмділері, тәттілер мен сусындарын ұсынды. «Ұлы Дала елі» орталығының аймағында өткен іс-шараға алыс жақын елдерден және өзге де аймақтардан 10 мыңнан астам қонақ қатысты.

Фестивальде арнайы концерттік бағдарлама ұйымдастырылып, онда күні бойы ойындар, жылдам тамақтану бойынша конкурстар, жергілікті аспаздардың шеберлік сыныптары, балаларға арналған ойын-сауық бағдарламалары өтті. 

Ұйымдастырушылар Наурыз мерекесі мен Қасиетті Рамазан айы қарсаңында қатысушылар наурыз көжеден жиналған қаражатты қайырымыдылық қорына аударды. Қайырымдылық жыл сайынғы «GASTRO FEST TURKISTAN» фестивалінің дәстүріне айналмақ.
 


«Open Turkistan» туристік ақпараттық орталығы іс-шара барысында Түркістанның жаңартылған гастрокартасын таныстырды. Картада туристерге баруға ұсынылған қала мекемелері туралы толық ақпарат бар.
 


Гастрокарта туристерге арналған нұсқаулық қана емес, сонымен қатар мейрамханалар мен кафелердің қызметін тұтыну барысында жеңілдік купондарының жинағы болып саналады. Барлық купондар жыл соңына дейін жарамды.

1.3k

Ұқсас жаңалық

Редакциямен байланыс

Астана, Ш.Қалдаяков көш, 23/1, 26 кеңсе

info@turkistan.today

Әлеуметтік желілер
Біз туралы

ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024

Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.

Яндекс.Метрика newsroom.kz

© Turkistan Today. Барлық құқық қорғалған.