Астанада өткен кездесу барысында Қазақстан мен түркі мемлекеттері арасындағы білім және ғылым саласындағы ынтымақтастықты кеңейту жолдары талқыланды. Келіссөзге Актоты Райымқұлова мен Саясат Нұрбек қатысты.
2025 жылдың 4 желтоқсанында Түркі мәдениеті мен мұрасы қорының президенті Актоты Райымқұлова Қазақстан Республикасының ғылым және жоғары білім министрі Саясат Нұрбекпен кездесті. TurkicWorld мәліметінше, тараптар түркі әлеміндегі ғылыми-білім беру байланыстарын тереңдету мәселелерін талқылады.
Кездесу барысында бірлескен ғылыми жобаларды дамыту, университеттер арасындағы академиялық әріптестікті нығайту, жас ғалымдарға арналған алмасу бағдарламаларын кеңейту бағыттары сөз болды.
Актоты Райымқұлова Қор жүзеге асырып жатқан мәдени мұраны зерттеу мен дәріптеуге бағытталған бастамалар жөнінде ақпарат беріп, алдағы уақытта іске асатын Жазғы мектептер жобасының маңызын атап өтті. Оның айтуынша, бұл бағдарлама әлемнің жетекші университеттерімен серіктестікте жүзеге асып, халықаралық ғылыми байланыстарды күшейтеді.
Саясат Нұрбек министрлік Қордың қызметін жоғары бағалайтынын және осы бағыттағы бастамаларды қолдауға дайын екенін жеткізді. Тараптар өзара пікір алмасып, жақын болашақтағы ынтымақтастықтың нақты бағыттарын айқындады.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
