Ақтауда подъездің кіреберісі құлап, бір адам мерт болды
Ақтау қаласының 9 шағын ауданындағы 4-үйдің күнқағары құлады.
Салдарынан бір ер адам көз жұмып, тағы екеуі жараланды. Бетонның құлауы нәтижесінде зардап шеккендер ауруханаға жатқызылды, деп Turkistan Today хабарлайды inbusiness.kz сайтына сілтеме жасап.
Маңғыстау облыстық көпсалалы ауруханасының баспасөз қызметінің хабарлауынша, бір адамды құтқару мүмкін болмады, ол оқиға орнында алған жарақаттарынан қайтыс болды.
Екі адам медициналық тексеруден өтіп жатыр. Олардың жағдайы тұрақты деп бағаланады.
Қаза тапқандар мен зардап шеккендер жөндеумен айналысатын мердігер мекеменің қызметкерлері екені белгілі болды. Олар бетонды бөлшектеумен айналысып жатқан көрінеді.
Қазіргі уақытта оқиға орнында полиция қызметкерлері жұмыс істеуде.
Сіздің реакцияңыз қандай?
