Астанада бойжеткеннің танысы кофеге есірткі араластырып берген
Виртуалды таныстық спайкингпен аяқталды, деп хабарлайды Turkistan Today.
Елордада полицияға жас қыз арызданып, сырттай таныс адамның кофеге есірткі затын араластырып бергенін айтқан.
Тергеу әрекеттерін жүргізу барысында қыздың әлеуметтік желі арқылы жігітпен танысқаны анықталды. Жастар виртуалды таныстықтарын кездесумен жалғаған.
Кофе ішуге барған қыздың есінде ары қарай болған оқиға қалмаған.
Тәртіп сақшылары қаланың 33 жастағы тұрғынын ұстады. Тергеу жүргізіліп жатыр. Барлық қажетті сараптамалар тағайындалды.
"Бейтаныс адамдармен кездескенде достарыңыз немесе туыстарыңыз сіздің кіммен, қайда және қанша уақыт сонда болатыныңызды білетініне көз жеткізіңіз. Өзіңізге және жақындарыңызға сақ болыңыз", делінген полиция хабарламасында.
Сіздің реакцияңыз қандай?
