COVID-19 халықты қыру үшін жасалды – Қытайлық профессор

Оның айтуынша, бұл зерттеулер АҚШ салық төлеушілерінің қаржысымен қаржыландырылған.

Ғалым Чао Шан Asian News International (ANI) тілшісі Дженнифер Зэнге берген сұхбатында 2019 жылы Ухань вирусология институтындағы әріптестерінің коронавирус штамдарын әртүрлі түрлерге, соның ішінде адамдарға тарату жолдарын зерттегенін айтты. Ол зерттеушілерге вирусты жаппай қырып-жоятын қару ретінде әзірлеу тапсырылғанын мәлімдеді.

Шанның айтуынша, 2019 жылы Уханда өткен Әскери әлем ойындары кезінде бірнеше әріптестері жоғалып кеткен. Кейін олардың кейбірі спортшылар орналасқан қонақ үйлерге “денсаулық және гигиена жағдайларын тексеру” үшін жіберілгенін айтқан. Шан олардың миссиясы вирусты тарату болған деп күдіктенеді.

2020 жылдың сәуірінде Шан Синьцзянға “қайта тәрбиелеу” лагерлеріндегі ұйғырлардың денсаулығын бағалау үшін жіберілген. Оған вирусты тарату әдістерін әзірлеу және оның адамдарға әсерін бақылау тапсырылған.

Ғалымның айтуынша, бұл ақпарат пандемияның шығу тегі туралы кеңірек картинаның бір бөлігі ғана. Ол сондай-ақ АҚШ-тың Аллергия және жұқпалы аурулар ұлттық институты (NIAID) Ухань зертханасындағы қауіпті зерттеулерді қаржыландырғанын атап өтті.

Пандемия басталғаннан кейін ғалымдар доктор Энтони Фаучиге вирустың зертханалық шығу тегі туралы күдіктерін білдірген, бірақ кейінірек олардың көпшілігі NIAID-тен гранттар алғаннан кейін өз мәлімдемелерін өзгерткен.

Бұған дейін Илон Маск АҚШ-тың Үкімет тиімділігі департаментінің (DOGE) басшысы ретінде USAID-тің Ухань зертханасына COVID-19-ды биологиялық қару ретінде әзірлеу үшін қаржы бөлгенін мәлімдеген. Маск USAID басқа да вирустарды халыққа қарсы қолдану үшін қаржыландырғанын айтты