Қазақ қызы қара жамылмаған: белгілі журналист аямай жазды
«Қазақ қызы қара жамылмаған» деп миллион мақала жазсаң да одан бір тиын пайда жоқ – деп Turkistan Today жазды белгілі медиа-менеджер Серғали Балажанның фейсбук парақшасына сілтеме жасап.
«Біріншіден, салафиттер мақала оқымайды. Екіншіден, салафиттерге сенің ақын-жазушың, профессорың, имам-молдаң авторитет емес, олар ұстаздың айтқанымен жүреді» - деп жазды С.Балажан.
Одан бөлек, Серғали Балажан «бір тиын пайда болу үшін заңмен тыйым салу керек. Шетелден (араб елдерінен) келіп жатқан қаржылық қолдауды тоқтатып, біздегі «ұстаздарды» тыю қажет. Заң-тыйыммен тоқтатпасаң бұларға қарсы біздің қоғамда иммунитет жоқ, иммунитетті 30 жыл бойы өлтірді» - дейді ол өзінің жеке парақшасында.
«Идеологтарымыз салафизммен күресудің басқа жолын қарастырмаса, сайттарда бірсарынды мақала жазу көмектеспейді, соны айтқым келген» - деген оның жазбасы желіде қызу талқылануда.
«Дұрыс айттың негізі өзің айтпақшы оқымайды да олар», «Булар соны тусинбейди гой» - деген комментер жазылған пікір елуден астам лайк жинап үлгерген.
Фото: e-history.kz