Төлеби ауданында екі медициналық нысан пайдалануға тапсырылды. Атап айтқанда, бүгін аудандағы Аққұм ауылында дәрігерлік амбулатория және Кеңесарық елді мекенінде фельдшерлік-акушерлік пункт ғимаратының ашылу салтанаты өтті,- деп хабарлайды turkistan.today
Аудан басшысы Еркеғали Әлімқұлов, ең алдымен Аққұм ауылына барды. Медициналық мекеменің ашылу салтанатына қатысып, тұрғындарды құттықтады.
— Бүгін ашылып отырған дәрігерлік амбулатория ел игілігіне қызмет етіп, ауыл тұрғындарына сапалы медициналық көмек көрсетеді. Дәрігерлеріміз өз істеріне адал болып, еліміздің бұдан әрі дамуына өз үлестерін қоса береді деп сенемін, — деді аудан басшысы.
Дәрігерлік амбулатория «Ауылда денсаулық сақтауды жаңғырту» ұлттық пилоттық жобасы аясында салынды.
Кейіннен аудан әкімі Кеңесарық ауылына барып, тұрғындардың қуанышына ортақтасты. Жаңа ғимараттың лентасын қиып, ізгі тілегін жеткізді.
Бұл денсаулық сақтау мекемелерінің құрылысы тұрғындардың қажеттіліне сәйкес, 2024 жылы басталған. Ғимарат замануи талаптарға сай медициналық құрал-жабдықтармен қамтылған. Екі нысанда да ауыл тұрғындарына сапалы алғашқы медициналық көмек түрлерін көрсетуге барлық мүмкіндіктер қарастырылған.
Айта кетейік, Түркістан облысында 2024 жылы «Ауылда денсаулық сақтауды жаңғырту» ұлттық пилоттық жобасы аясында 49 медициналық-санитариялық алғашқы көмек нысанының құрылысы жүргізілді. Ұлттық жоба аясында Төлеби ауданына 5 нысан қаралып, 2024 жылдың соңында 3 нысан ел игілігіне пайдалануға берілді.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
