АЭС-тің Қазақстанға пайдасы қандай?

АЭС ядроның нейтрондармен әсерлесуінен туатын энергия көмегімен жұмыс істейді. Ядролық отын ретінде уран (233U, 235U, 238U), плутоний (239Pu), торий (232Th) изотоптары пайдаланылатынын жазған болатын әлеуметтік желі қолданушысы Айкен Нұрпейісов,- деп хабарлайды turkistan.today

Бұл аталған отындарды пайдалану кәдімгі отыннан (көмір, мұнай, газ) бірнеше млн. есе артық. Бұл дегеніміз энергияны тиімді пайдалану. Қазіргі таңда Қазақстан әлемде отын уранын өндіру бойынша (2021 жылы 45%) көшбасшы болып табылады.

АЭС-тің Қазақстанға пайдасы қандай? Атом энергетикасы атмосфераны ластамайды және біздің планетамыздағы климаттың тез нашарлауына, топырақтың ластануына және мұхиттардың қышқылдығының жоғарылауына әкелетін парниктік газдар шығармайды. АЭС құрылысы экономикалық өсуді және жаңа жұмыс орындарының пайда болуын қамтамасыз етеді-АЭС салу кезінде 1 жұмыс орны аралас салаларда 10-нан астам жұмыс орнын құрады. Атом энергетикасының дамуы, сонымен қатар, ғылыми зерттеулердің өсуіне және жоғары технологиялық өнімдер экспортының көлеміне ықпал етеді, адам қызметінің көптеген басқа салалары мен салаларын дамытады.

Қорыта айтсақ, АЭС адам баласының тұтынуына қажет энергия мәселесін түпкілікті шешетін болады.