Албания астанасы Тиранда 23 жасқа дейінгі жастар арасында өткен күрестен әлем чемпионаты аяқталды, деп хабарлайды Turkistan Today.
67 келіге дейінгі салмақта ел намысын қорғаған армия спортшысы Сұлтан Әсетұлы қарсыластарына дес бермей, алтыннан алқа тағынды.
Ақтық сында ол түрік спортшысы Мұстафа Йылдырымды 2:1 есебімен ұтты.
– Грек-рим күресінен біздің спортшылар әлем чемпионатында жақсы нәтиже көрсетті. Мақсатымыз да осы турнирде жеңіске жету болатын. Оған қол жеткіздік. Сұлтан спортшыға тән мінез бен мықтылығы бар кәсіпқой екенін дәлелдеді, – деді балуанның жаттықтырушысы Марат Қуатов.
Қазақстан командасының қоржынына күміс жүлдені 55 келіге дейінгі салмақта Исхар Құрбаев салды. Соңғы кездесуде ол грузин балуаны Георгий Токхадзеге есе жіберді.
Айта кету керек, Сұлтан Әсетұлы – 23 жасқа дейінгі санаттағылар ішінде әлем чемпионы атанған алғашқы қазақстандық балуан.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
