Атырау қаласында тұрғындары көшірілген апатты тұрғын үйлерді бұзып, аумақты толық тазалау және осы жерлерді абаттандыру жұмыстары жүргізілмек.
Бұл бастама қаланың экологиялық жағдайын жақсартып, бос қалған орындарды тиімді пайдалану мақсатында қолға алынуда. Бұл туралы AtyrauPress тілшісі хабарлады. Осыған байланысты қала әкімі Шәкір Кейкин дербес бөлім басшыларымен бірге көшпелі жиын өткізіп, атқарылатын жұмыстардың негізгі бағыттарын талқылады.
Бүгінде Балықшы, Жилгородок, СПМ шағын аудандарында, сондай-ақ Гагарин, Жарбосынов, Канцев және Стаханцев көшелерінің бойында иесіз қалған бірнеше тұрғын үй мен көлікжайлар қала келбетін бұзып, айналасына қоқыс жиналуына себеп болып отыр. Сонымен қатар, бұл бос ғимараттарда түрлі құқықбұзушылықтардың орын алу қаупі бар.
Қала әкімі тиісті бөлімдерге жоғарыда аталған мекенжайлардағы апатты үйлерді бұзып, аумақты қоқыстан тазарту және қураған ағаштарды кесу бойынша нақты тапсырмалар берді. Сондай-ақ, бос жерлерді тиімді пайдалану мақсатында қалаға қажетті әлеуметтік нысандар салу мүмкіндігі қарастырылуда. Бұл шаралар тұрғындардың қауіпсіздігін қамтамасыз етіп қана қоймай, қаланың көріктенуіне де оң ықпалын тигізеді. Қала әкімі бұл жұмыстардың кезең-кезеңімен жүзеге асатынын және жеке бақылауда болатынын жеткізді. Сондай-ақ, бұл жұмыстарды ағымдағы жылдың бірінші жарты жылдығында аяқтауды тапсырды.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
