«Бір күн – ауру, бір күн – сау». Бибігүл Төлегенова қазіргі жағдайын айтты
Қазақстанның халық әртісі Бибігүл Төлегенованың шаңырағында «Ташолпан» бағдарламасы қонақта болып, күміс көмей әншінің қазіргі хал-жағдайымен танысып қайтты, деп Turkistan Today хабарлайды EL.kz ақпарат агенттігіне сілтеме жасап.
Өнер иесі денсаулығы қалыпты екенін жеткізді.
Қазақта «бір күн - ауру, бір күн – сау, таба алмадым дертін» деген мақал бар ғой. Денсаулығым қазір сол сияқты. Ауа райы да әсер етіп жатады. Көбіне үйде отырамын. Қазір далаға шыға алмаймын. Екі аяғым ауырады. Бірақ былай жаман емеспін, Құдайға шүкір, - деді ол.
Сонымен қатар, халық әртісі қазір әннен шаршағанын жеткізді, тіпті музыкалық аспаптың қасына да барғысы келмейді екен.
Сіздің реакцияңыз қандай?
