Дәстүрлі әнші: екі ай Ұлыбританияда қиналып кеттім

Ұлыбританиядағы өмірі туралы сұхбат берген болатын, деп хабарлайды Turkistan Today.

Ұлыбританияға бардым. Hi мен bye-дан басқа дым білмеймін. Екі ай мезі болып, жынданып кете жаздадым. Домбырамды ала бардым. Қашанғы домбыра тартып, кітап оқып жүре бересің, одан да шаршадым. Расында, кез-келген дүниенің қызығы қайта бастайды. Қатты аңсап күткен нәрсем ол – қазақ тілді адаммен бетпе-бет асықпай сұхбаттасу болды. Себебі келіншегім таңертеңнен кешке дейін оқуда, балаларым балабақша мен мектепте. Көшеге шықтым. Қазақтарды іздеп таптым. Бірақ олардың уақыты болмаған соң, жолығып әңгіме дүкен құру мүмкін болмады. Ішім пысқаннан стадионға барып футбол көремін деп шештім. Тіл білмегендіктен ешкіммен сөйлесе алмайсың, сөйлеспеген соң құр тұрғаннан пайда жоқ. Тіпті қазақтардың қолы босамағасын тым болмаса деп орыс іздедім. Оны да таппадым. Содан келіншегім екеуіміз бұлай болмас деп зерттей бастадық. Бір ұғынғаным британ елінде ағылшын тілінен басқа тіл жоқ. Барлық салада ағылшынша сөйлейді, жазады, істейді. Сондықтан сырттан келген адамдарға ағылшынша үйренуге барлық жағдай жасап қойған және барлығы мемлекет тарапынан тегін. Ал мен ағылшын тілін шіркеуден үйрендім – деді әнші.

Толығырақ: