Екібастұздағы жанар-жағармай құю бекетіндегі өртті сөндіру кезінде өлі табылған жасөспірім жанармай құю бекетінде оператор болып жұмыс істеген, - деп Turkistan Today хабарлайды Massaget.kz тілшісіне сілтеме жасап.
Мұны Павлодар облысы төтенше жағдайлар департаментінің баспасөз қызметі растады.
"Өрт кезінде қаза тапқан 2006 жылы туған жігіт жанар-жағармай құю станциясының операторы болып жұмыс істеген. 17 жастағы екібастұздық жасөспірім өрт шыққан газ құю бекетінің иесінің ұлы болған", - деп хабарлады ведомствоның баспасөз қызметі.
Сондай-ақ департамент оқиға орнында марқұмның мәйітінен бөлек "Газель" көлігінің болғанын, оның толығымен жанып кеткенін хабарлады.
Еске салайық, мұның алдында Екібастұздағы автогаз бекетінде шыққан өрттен жасөспірім көз жұмғанын жазған едік.
Павлодар облысы денсаулық сақтау басқармасының мәліметінше, Екібастұз қаласында автогаз бекетінің жарылуы салдарынан үш адам медициналық көмекке жүгінген.
Өрт куәгерлері қатты стресске ұшыраған. Олардың бірі қайтыс болған 17 жастағы баланың анасы. Қалғандары - 1991 және 1974 жылы туылған әйелдер. Ауруханаға жеткізудің қажеті болмаған.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
