Елдің дамуы көп жағдайда өзімізге байланысты

Бүгін сіздің дауысыңыз болашаққа әсер ете алатын күн. Референдум жай ғана сайлау емес, бұл бәрімізге әсер ететін маңызды мәселе бойынша пікір білдіру мүмкіндігі. Бұл туралы Алтыншаш Табулдина мәлімдеді,- деп хабарлайды turkistan.today

Дауыс беруге қатысу еліміздің энергетикалық саясатының бағытын және экологиялық жағдайдың болашағын анықтауға қосқан үлесіңіз болып табылады.

"Бүгін-тарихи күн. Халқымыз АЭС салу мәселесіне қатысты дауыс берді. Референдум тікелей демократияның өте тиімді тетігі. Халқымыз қандай шешім қабылдаса, мемлекетіміздің түпкі байламы да солай болады. Нәтиже оң болады деп ойлаймын. Шын мәнінде, бұл тағдыршешті оқиға. Сондықтан мен референдумды қолдаймын," -деді Қасым-Жомарт Тоқаев.

Шынымен елдің дамуы көп жағдайда өзімізге байланысты, әр адамның жасаған қадамына тәуелді. Бүгінгі дауыс беру тамаша ұйымдастыру мен мемлекеттік маңызы бар мәселелерге қоғамның жоғары қызығушылығын көрсетеді. Учаскелерге азаматтардың келуі күткеннен де асып түсуде, бұл олардың жауапкершілігі мен ел тағдырына қатысуын дәлелдейді.