«Еріктіліктен – әлеуметтік кәсіпкерлікке»: Түркістанда тұңғыш рет жастар практикумы өтті

Бүгін Түркістан қаласында алғаш рет жастарға арналған «Еріктіліктен – әлеуметтік кәсіпкерлікке» атты практикум өтті,- деп хабарлайды turkistan.today

Іс-шараға Түркістан қаласының әкімі Әзімбек Пазылбекұлы қатысып, жастардың азаматтық белсенділігін арттырудағы еріктіліктің рөліне тоқталды.

Әкім өз сөзінде қоғамға пайда әкелетін әлеуметтік бастамаларды қолдау қажеттігін айтып, жас кәсіпкерлерге табыс тілеп, мұндай жобалардың Түркістанның дамуына қосар үлесінің зор екенін атап өтті.

Практикумға кімдер қатысты?

• Әлеуметтік кәсіпкерлер;

• Меценаттар;

• Жергілікті билік өкілдері;

• Белсенді жастар;

Айта кетелік, басты спикер – Әлеуметтік инноваторлар қауымдастығының президенті, «Global Kishkentai» инклюзивті шеберханасының негізін қалаушы Гүлмира Пармышева болды.