Қазақстанда сауда нүктелерінде таразыларды міндетті тексеру енгізілді. Ол өлшеу құралдарының метрологиялық талаптарға сәйкестігін растайды, деп Turkistan Today хабарлайды Qazaqstan Mediа сайтына сілтеме жасап.
Бұл сатып алушылардың алданып қалмауы үшін, нақты тауар салмағына ғана төлем жасауы үшін енгізілді, дейді сауда министрлігіндегілер.
«Енді әрбір сауда объектісінде орналасқан таразылар тексерушілердің бақылауынан өтетін болады. Мұндай зертханалар елдің барлық облыстарында бар. Тексеріс жыл сайын ұйымдастырылады», – делінген хабарламада.
Бұрын мұндай талап тек сатылатын тауарлардың геометриялық параметрлерін өлшеу құралдарына қатысты болған. Енді таразы да қосылды. Егер таразыда тексеру кезінде бұзушылықтар табылмаса оларға арнайы таңба қойылады, әйтпесе өлшеу құралының жарамсыздығы туралы хабарлама жіберіледі. Бұл жаңашылдық ауылшаруашылық жәрмеңкелері кезінде қолданылмайды.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
