Халықаралық іздеуде жүрген күдікті қазақстандық Түркиядан экстрадицияланды
9 жылдан бері халықаралық іздеуде жүрген Қазақстан азаматы Түркиядан экстрадицияланды. Бұл туралы Бас прокуратураның ресми өкілі Дархан Дүйсембай мәлімдеді, - деп Turkistan Today хабарлайды Tengrinews.kz сайтына сілтеме жасап.
Бас прокуратура Ішкі істер министрлігімен бірлесіп, Сыртқы істер министрлігінің көмегімен Түркия Республикасынан қылмыстық жауапкершілікке тарту үшін Қазақстан азаматын экстрадициялады.
"Ол құрылыс компанияларына тиесілі 1 миллиард теңгеге жуық, соның ішінде аурухана салуға арналған қаражатты ұрлады деген күдікке ілінген. Күдікті 2014 жылдан бері халықаралық іздеуде болған. Қазіргі кезде ол Астанадағы тергеу изоляторына қамалды", - деді Бас прокуратураның ресми өкілі Дархан Дүйсембай.
Аталған қылмыстық құқық бұзушылық үшін мүлікті тәркілей отырып, 5 жылдан 10 жылға дейін бас бостандығынан айыру жазасы қарастырылған.
Сіздің реакцияңыз қандай?
