ҚР-да ерлердің жалақысы әйелдердікіне қарағанда 34% көп

Бір өңірде айырмашылық тіпті есе, деп хабарлайды Turkistan Today.

2022 жылы Қазақстанда орташа айлық жалақы 309,9 мың теңгені құрады, бұл 2021 жылмен салыстырғанда 23,8% артық. Инфляцияны ескерсек, сатып алу қабілетінің артқанын көрсететін нақты жалақының өсімі 7,6% болды.

Ер мен әйелді бөліп қарастырсақ, 2022 жылы ерлердің жалақысы орташа есеппен 355,3 мың теңге, бір жылда 26,3% көбейген, әйелдердікі — 265,8 мың теңге, 20,7% көбейген.

Жалақы айырмашылығы айтарлықтай 33,7%. Ерлердің жалақысы республикалық орташа деңгейден 14,7% көп болса, әйелдердікі 14,2% аз.

Өңірлер бойынша ерлердің ең жоғары орташа айлық жалақысы Атырау (631,8 мың теңге), Маңғыстау (590,6 мың теңге) және Ұлытау (489,1 мың теңге) облыстарында, ал ең төменгісі — Жетісу облысында (бар болғаны 226 мың теңге).

Бұл өңірлерде ер мен әйел жалақысындағы айырмашылық та жоғары. Мәселен, Маңғыстау облысында ерлердің жалақысы әйелдердің жалақысынан 2 есе, Атырауда — 85,9%, Ұлытауда — 68% артық. Бұл ретте Жетісу өңірінде әйелдер ерлерге қарағанда 3,1% ғана көп алады. Ескерту: Жетісу облысы әйелдер ерлерден көп алатын жалғыз өңір.

Жалақыдағы ең аз айырмашылық Жамбыл, Алматы және Солтүстік Қазақстан облыстарында байқалды: тиісінше 1,9%, 2,5% және 5,5% ерлердің пайдасына.

Әйелдердің ең жоғары орташа айлық жалақысы Астанада тіркелді: бір жыл бұрын 306,7 мың теңге болса, қазір 365,1 мың теңге. Үздік үштікке Атырау облысы (339,8 мың теңге) мен Алматы (320,1 мың теңге) қалалары да кірді.

Экономика салалары бойынша ерлердің ең жоғары орташа айлық жалақысы қаржы және сақтандыру қызметі (728,7 мың теңге), тау-кен өнеркәсібі және карьерлерді қазу (678,4 мың теңге), кәсіби, ғылыми және техникалық қызмет (499,2 мың теңге) салаларында тіркелді. Осы салаларда ерлер әйелдерге қарағанда тиісінше 58,3%, 26,6%, 25,4% көп алды.

Сонымен қатар, қаржы және сақтандыру қызметінен басқа, жалақының ең үлкен айырмашылық тұру және тамақтандыру қызметінде (ерлер пайдасына 38,1%) және өңдеуші өнеркәсіпте (33,8%).

Білім саласында ғана әйелдер ерлерден көп алады. Айырмашылық 4,8% (тиісінше 239,8 мың теңге және 251,4 мың теңге).

Әйелдердің ең жоғары жалақысы тау-кен өнеркәсібі және карьерлерді қазу (535,8 мың теңге), қаржы және сақтандыру қызметі (460,2 мың теңге), ақпарат және байланыс (403 мың теңге) салаларында.