ҚР-да ветеринарлық қызмет көлемі бір жылда 18% өсті

ҚР-да ветеринарлардың жалақысы өте аз — республика бойынша орташа деңгейден үштен бірге төмен,деп хабарлайды Turkistan Today. 

2022 жылғы қаңтар–желтоқсанда ҚР-да көрсетілген ветеринариялық қызмет көлемі 51,7 млрд теңгеге жетті, бұл бір жыл бұрынғыдан ақшалай түрде 30,5% артық. Физикалық көлемнің нақты өсімі 17,6%-ды құрады. Оның ішінде ауылдық жерлерде көрсетілген қызмет 39,5%-ды немесе 20,4 млрд теңгені құрап, жылдық өсім 13,4% болды.

Салыстыру үшін: 2021 жылдың сәйкес кезеңінде қызмет көрсету көлемі 39,6 млрд теңгені құрады, бұл алдыңғы жылмен салыстырғанда құндық мәнде 15,6% артық. Ауылдардың үлесіне 18 млрд теңге немесе саладағы барлық қызмет көрсетудің 45,5%-ы тиесілі болған.

Өңірлік бойынша қызметтердің басым бөлігі Астанада көрсетілді: 5,6 млрд теңге — бір жыл бұрынғыдан 2,4% артық.

Екінші және үшінші орында Түркістан (4,6 млрд теңге, 50,2% көбейген) және Жамбыл (4,6 млрд теңге, 0,5% азайған) облыстары.

Ең аз қызмет Шымкентте көрсетілген: 621,1 млн теңге — бір жыл бұрынғыдан 1,5% артық. Маңғыстау мен Ұлытау өңірлерінде де аз қызмет көрсетілді.

Ветеринариялық қызмет саласындағы бір қызметкердің орташа айлық атаулы жалақысы 2022 жылдың төртінші тоқсанында небәрі 220 мың теңгені құрады (тиісті кезеңдегі ҚР бойынша орташа көрсеткіш 338,7 мың теңге), бұл, алайда, өткен жылмен салыстырғанда 35,9% артық. Жалақының сатып алу қабілетінің нақты өсімі 13,6%-ды құрады.

Ең жоғары көрсеткіш Астанада тіркелді: 363 мың теңге — бір жыл бұрынғыдан 27,9% артық. Екінші және үшінші орында Ақтөбе (296,7 мың теңге, 54,6% өскен) және Қызылорда (290,3 мың теңге, 54,7% өскен) облыстары.

Саладағы ең төменгі жалақы Жамбыл облысында тіркелді: бар болғаны 158,9 мың теңге — бір жыл бұрынғыдан небәрі 0,8% артық.

Қазақстан аймақтық ветеринариялық қауіпсіздік хабына айналуы мүмкін, деп хабарлайды Хабар 24 Халықаралық эпизоотиялық бюро еліміздің жануарлар ауруларының алдын алудағы күш-жігерін жоғары бағалады. Қазір Қазақстан жаппай вакцинацияны енгізу арқылы аусылдан азат аймақ мәртебесін қалпына келтіруге дайындалуда. Ал бір жылдан кейін өз өндірісінен тиімді вакцина шығаруды қолға алу жоспарлануда.