Тамыз конференциясы: Түркістан әкімі ұстаздармен кездесті

Түркістан қаласында 85 мектепте 55 мыңнан астам оқушы білім алып, 150 балабақшада 17 мыңнан астам бүлдіршін тәрбиеленуде. 

Сондай-ақ, биылғы жылы 178 оқушы «Алтын белгіге», 250 оқушы «Үздік аттестатқа» ие болып, түлектердің 80 пайыздан астамы мемлекеттік гранттармен оқуға түсті.

— Өткен оқу жылында қаламызда төрт жаңа мектеп пайдалануға беріліп, үш «Жайлы мектеп» және №35 мектеп іске қосылды. Сонымен қатар, білім сапасы бойынша жоғары көрсеткіштерге қол жеткізді. Оқушыларымыз республикалық, халықаралық олимпиада мен байқаулардан жүлделі орындармен оралды. Тағы бір жақсы жаңалығымыз, биыл екі бірдей мекеме – Өнер мектебі мен Балалар-жасөспірімдер орталығы жаңа ғимаратқа көшірілетін болады, - деп атап өтті қала басшысы.

Айта кетелік, Түркістан әкімі өз сөзінде ұлттық құндылықтарды дәріптеудің маңыздылығын атап, мектептерде «Ясауитану» пәнін енгізуді ұсынды.