Түркістан қаласында 112 нысанның қасбетін ретке келтіру бойынша кешенді жұмыстар жүргізілуде. Бұл шара қаланың сәулеттік келбетін жақсарту және эстетикалық талаптарға сәйкестендіру мақсатында жүзеге асырылуда,- деп хабарлайды turkistan.today
Қазіргі таңда 19 нысанның қасбеті бойынша құжаттар Түркістан облысының бақылау жөніндегі басқармасына жолданып, 14 нысанның қасбеті толықтай жаңартылды.
Жаңартылған нысандар қатарына:
• С. Ерубаев көшесіндегі «Шавғар» спорт кешені;
• Тәуке хан даңғылындағы «Достық» мектебі мен «Нұр» сауда үйі;
• Жібек жолы даңғылындағы «Көктем» балабақшасы;
• Әл-Фараби көшесіндегі «Asanov» супермаркеті;
• Тынышқұлов көшесіндегі «Азия бренд» жиһаз дүкені;
• Тәуелсіздіктің 10 жылдығы көшесіндегі «Zhenis Stroi» және «BEK» құрылыс материалдары дүкендері;
• «Dulat» кеңсе тауарлары дүкені және «Жаңа шаһар» дүкендері кіреді.
Сонымен қатар, қала аумағындағы 11 көше, оның ішінде Қызылорда тас жолы, С. Қожанов және Тәуелсіздіктің 10 жылдығы көшелерінде орналасқан құрылыс нысандарының қоршауларын жаңарту жұмыстары жүргізілуде.
Қала әкімдігі тарапынан сәулеттік келбетті сақтау және абаттандыру шаралары тұрақты түрде бақылауға алынып, нысандарды жаңғырту жұмыстары кезең-кезеңімен жалғасады.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.