Түркістан қаласындағы О.Жарылқапов атындағы стадионда футболдан 2010 жылы туған жасөспірімдер арасында Қазақстан Республикасының чемпионатының жалауы көтерілді. Әлемде нөмірі бірінші спорт түріне баланатын футбол ойыны соңғы жылдары елімізде қарқынды дамып келеді. Осы орайда тарихи шаһарда ұйымдастырылған футбол бәсекесіне елімізден таңдаулы аяқдоп шеберлері қатысып, жасыл алаңда жасындай жарқырауда,- деп хабарлайды turkistan.today
Чемпионаттың салтанатты ашылу рәсіміне облыстық дене шынықтыру және спорт басқармасының басшысы Ғалымжан Худияров арнайы қатысып, жарысқа қатысушы спортшыларды құттықтап, шын мықтылар жеңіске жетсін деген ыстық лебізін білдірді.
Жасөспірім футболшылар арасындағы ел біріншілігіне республикамыздан 15 команда, 300-ден астам спортшы қатысуда. Талантты аяқдоп шеберлері қатысып жатқан жарыста еліміздің болашақ жарық жұлдыздары іріктеледі.
Айта кетейік, Түркістан облысының 2010 жылы туған жасөспірімдер құрамасы бұған дейін еліміздің 4 дүркін жеңімпазы атанған. Енді осы чемпиондық атақты сақтап қалу үшін өз алаңдарында бар күш-жігерлерін көрсетеді. Жарыс 1-10 сәуір күндеріне жоспарланған.
Жарысты Түркістан облыстық дене шынықтыру және спорт басқармасы мен облыстық футбол мектебі жоғары дәрежеде өткізуде.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
