Ясауи университетінде өтіп жатқан «Тұрар Рысқұлов және Түркістан идесы» атты халықаралық конференция аясында «Тұрар Рысқұлов атындағы Аллея» ашылды.
Тұрар Рысқұловтың туғанына 130 жыл толуына орай Ясауи университетінде тағы бір жаңа аллея пайда болды. Оның ашылуына халықаралық конференцияға қатысушылар, ұлт зиялылары, отандық және шетелдік ғалымдар мен сарапшылар, университет басшылығы, түркі әлемінің жастары және оқу орнымыздың Студенттік парламентінің белсенділері қатысты.
Аллеяға айтулы датаға орай 130 түп шынар ағашы отырғызылды. Университет ректоры Жанар Темірбекова келешекте аллеяның аумағы кеңейіп, үлкен паркке айналатынын атап өтті.
Осылайша, ұлт үшін туған ұлы тұлға – Тұрар Рысқұловтың ерен еңбектері айтылған конференция өз мәресіне жетті. Қазақ халқы мен түркі мемлекеттерінің, Орта Азия халықтарының ынтымағы мен амандығын армандаған баба рухына бүгінгі ұрпақтары тағзым етті. Оның артында қалдырған өшпес ізі, тарих сахнасындағы рөлі тағы да айтылып, жаңғырды. Заманында ашаршылықтан зардап шеккен халқының қамын жеген ұлт жанашырының ел біле бермейтін, сан салаға сіңірген еңбегі сараланды. Тұрар Рысқұловтың мәңгілік атына тәуелсіздік пен теңдікте, тоқшылық пен молшылықта, бақыт пен шаттықта өмір сүріп жатқан жас ұрпақ бас иді.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
