Алматы тұрғыны жігіт пен қыздың тапа-тал түсте балалар алаңындағы әдепсіз қылығына ашуланды, - деп Turkistan Today хабарлайды Tengrinews.kz сайтына сілтеме жасап.
Оқиға 30 мамырда түс уақытында Райымбек даңғылы мен Емцов көшесінің қиылысында орналасқан көпқабатты үйлердің бірінің ауласында болды. Оқиғаның куәгері - жергілікті тұрғын пәтерінің терезесінен не болып жатқанын бақылап тұрған. Оның айтуынша, жігіт пен қыз ұзақ уақыт құшақтасып, сүйісіп, кейін "ұятсыз істерге" кіріскен. Осы кезде әйел камераны қосып, барлығын видеоға түсіріп, редакциямыздың WhatsApp нөміріне жіберді.
"Әдепсіздік күндіз болып жатыр. Сағат 15:00 шамасында бұл қыз бен жігіт кәдімгідей айналысты. Аула ішінде. Ол жердегі ойын алаңында кішентай балалар болды", - деп ашуланды тұрғын.
Осыған байланысты түсініктеме алу үшін полицияға жүгіндік. Полиция департаменті қаладағы әдепсіз әрекет жасаған жастарды іздеуге кіріскенін хабарлады.
"Бұл дерек бойынша Алатау аудандық полиция бөлімі тексеру шараларын жүргізіп жатыр. Құқық бұзушылық жасаған жер анықталды. Учаскелік инспекторлар қосылды. Құқық бұзушылар міндетті түрде анықталып, әдепсіз әрекеттері үшін жауапқа тартылады", - деді ведомствоның ресми өкілі Салтанат Әзірбек.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
