"418 млн теңге": Хоккейден Қазақстан ұлттық құрамасындағы ең көп жалақы кімге тиесілі?

Хоккейден Қазақстан құрамасының кейбір ойыншылары Құрлықтық хоккей лигасындағы ең қымбат жалақы алатын 245 ойыншының тізіміне енді.  

Бұл туралы sport-express.ru сайты жариялады, деп Turkistan Today, жазады inbusiness.kz дереккөзіне сүйене отырып.

Сайттың мәліметі бойынша, ЦСКА-да ойнайтын Даррен Диц жылына 70 миллион рубль табады. Бұл – шамамен 418 миллион теңге.

Ал Джесси Блэкер ("Автомобилист") пен Никита Михайлис ("Барыс") жылына 50 миллион рубль (298,62 миллион теңге) жалақы алады.

Сондай-ақ еліміздегі жоғары жалақы алатын хоккейшілер тізімі төмендегідей:

1. Кертис Волк ("Автомобилист") – 45 млн рубль (268,76 млн теңге);
2. Виктор Сведберг ("Авангард") – 40 млн рубль (238,90 млн теңге);
3. Алексей Маклюков ("Металлург") – 35 млн рубль (209,04 млн теңге);
4. Роман Старченко ("Спартак") – 25 млн рубль (149,31 млн теңге);
5. Валерий Орехов ("Адмирал") – 20 млн рубль (119,45 млн теңге).

Айта кетейік, астаналық "Барыс" хоккей клубы биыл ХК Құрлықтық хоккей лигасының плей-офф кезеңіне шыға алмады.