Алматылық оқушы Мәдениет және спорт министріне мектептегі музыкалық кабинеттің шағын екенін айтып шағымданды, - деп Turkistan Today хабарлайды Tengrinews.kz сілтеме жасап.
Мәдениет және спорт министрі Асхат Оралов Күләш Байсейітова атындағы мектеп-интернатқа барды. Кездесу барысында оған 5-сыныпта оқитын Ассамад Әуелбек есімді оқушы келіп, музыкалық аспаптармен айналысатын бөлменің тар екенін айтып, кеңірек студия беруді сұрады. TikTok әлеуметтік желісінде баланың министрге айтқан видеосы жарияланды.
Бала барабанда ойнауды үйреніп жүргені белгілі болды. Ал оны тар кабинетте үйрену өте ыңғайсыз көрінеді.
"Кабинет тым тар, аздап кеңейту керек", – деді бала министрге.
Асхат Оралов бұл мәселені өз бақылауына алынатынын айтып, биылғы жылы мектепке жаңа музыкалық аспаптар мен білім беру мекемесінің басқа да қажеттіліктеріне 250 миллионнан астам қаржы бөлінетінін жеткізді.
Сондай-ақ министр бастауыш сынып оқушылары ыстық тамақпен қамтамасыз етілетініне уәде берді.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
