Дәурен Абаев жаңа қызметке шықты

Дәурен Абаев ТМД Бас хатшысының орынбасары болып тағайындалды. Ақпаратты ТМД Атқарушы комитетінің баспасөз қызметі растады, деп Turkistan Today хабарлайды Tengrinews.kz-ке сілтеме жасай отырып.

«Иә, біз Қазақстан Республикасының СІМ-нен Жұмаханов Бекетжан Махатжанұлының орнына Дәурен Әскербекұлы Абаев келетіні туралы тиісті нота алдық. Ол ТМД Бас хатшысының орынбасары қызметін атқарады», – деп жауап берді Атқару Комитетінде Tengrinews.kz тілшісінің сұрауына.

Дәурен Абаев 1979 жылы Алматы облысында дүниеге келген. Әл-Фараби атындағы Қазақ ұлттық университетін (2001) және Лейден университетін (2006) бітірген.

Еңбек жолын 2001 жылы Сыртқы істер министрлігінің құрылымында бастаған. 2001 жылдан 2003 жылға дейін – сыртқы істер министрлігінің референті, атташесі, үшінші хатшысы.

2003 жыл – Қазақстан Республикасының Әзірбайжандағы елшілігінің үшінші хатшысы.

2003 жылдан 2007 жылға дейін – екінші хатшы, Нидерландыдағы Қазақстан істерінде уақытша сенім білдірілген өкілі. 2007 жылы – Сыртқы істер министрлігінің баспасөз қызметі бөлімінің басшысы.

2007 жылдан 2009 жылға дейін – сарапшы, Президент консультанты, Президент Баспасөз хатшысының орынбасары. 2009 жылдан 2011 жылға дейін – Президент Әкімшілігінің мемлекеттік инспекторы. 2011 жылдан – Президенттің баспасөз хатшысы және кеңесшісі.

2016 жылдан 2019 жылға дейін – Ақпарат және коммуникациялар министрі. 2019 жылдан 2020 жылға дейін – Ақпарат және қоғамдық даму министрі.

2020 жылдан 2022 жылға дейін – Президент Әкімшілігі Басшысының бірінші орынбасары.

2022 жылғы 11 қаңтардан 2023 жылғы 4 қаңтарға дейін мәдениет және спорт министрі болып жұмыс істеді.

Фото: Inform.kz