Тағы бір қазақтың «басын жұлып алғым» келеді – британиялық боксшы
Британиялық боксшы Джимми Келли қазақстандық боксшылар – Геннадий Головкин және Жәнібек Әлімханұлымен жекпе-жек өткізгісі келетінін мәлімдеді деп Turkistan Today хабарлайды Vesti.kz сайтына сілтеме жасап.
Келли былтыр қазақстандық Қанат Исламнан төрешілер шешімімен басым түскен болатын – 97-93, 96-94, 95-95. Бұл Қанат Исламның карьерасындағы бірінші жеңілісі болды.
«Әлемнің мықты боксшыларына бәсекелес бола аламын. Жеке тұлға және боксшы ретінде өсіп келемін, маған Жәнібек Әлімханұлы сияқты аты шыққан боксшылар керек. Ол баяулап барады, ал мен керісінше, тағы бір қазақтың «басын жұлып алғым» келеді.
Менің мақсатым – биылға бір үлкен айқас, Жәнібекпен Ұлыбританияда жұдырықтасу. Егер Головкин орта салмақта бір айқас өткізгісі келсе, мен дайынмын. Аты шыққан бір қазақты жеңдім, оларды ары қарай сабай беремін», – деді ол.
Сіздің реакцияңыз қандай?
