Түркістан: Жүзуден Азия чемпионатында қоржынға күміс медаль түсті

Түркістан Ақпан 27, 2024 0 242 Оқу тізіміне қосу

Филиппин мемлекетінде су спорты түрлерінен Азия чемпионаты өттуде. Жүзуден Қазақстан әйелдер құрамасы 4х100 метрге еркін жүзу эстафетасында күміс жүлдеге ие болды,- деп хабарлайды turkistan.today.

Бұл – осы бағдарлама бойынша Қазақстан әйелдер құрамасының Азия чемпионаттары тарихындағы алғашқы күміс жүлдесі. Команда құрамында Түркістан облысының мақтаныштары – Аделаида Пчелинцева мен София Сподаренко жасындай жарқырады.

Сонымен бірге ұлттық құрама сапында қарағандылық Ксения Игнатова мен ақтөбелік Диана Тасжанова да болды. Қазақстанның 4 аруы ел мерейін асқақтатты.

Айта кетейік, ұлттық құрама сапындағы түркістандық арулар –Түркістан облыстық су спорт түрлерінен олимпиада резервінің мамандандырылған балалар-жасөспірімдер спорт мектебінің шәкірттері.

Түркістан облысы әкімінің баспасөз қызметі