Түркістан облысы: Отбасылық құндылыққа қатысты шаралар

2024 жылы «Ана кәсіпкер» жобасы аясында 1 200 әйел өз ісін ашуға мемлекеттік грант иегері атанды. Бұл жобалардың нәтижесінде тігін және кондитерлік цехтар, ауыл шаруашылығы кооперативтері мен қолөнер шеберханалары іске қосылды. Сондай-ақ, Түркістан қаласында өткен жылы «Әйелдер кәсіпкерлігін дамыту орталығы» ашылып, бүгінде 2 мыңнан астам әйел бизнес-жоспар құру, маркетинг және қаржылық сауаттылық бойынша тегін кеңес алып үлгерді.

Мұнымен қатар, облыста әйелдердің еңбек жағдайын жақсартуға бағытталған әлеуметтік бағдарламалар жүзеге асуда. Жергілікті жұмыспен қамту орталықтары мен кәсіптік білім беру ұйымдары әйелдердің жаңа мамандықтар алуына және қайта даярлануына мүмкіндік беріп отыр. 2025 жылдың алғашқы жартысында 5 мыңнан астам әйел қысқа мерзімді курстарды тәмамдап, еңбек нарығына қайта қосылған.

Әйелдердің қоғамдық және экономикалық өмірге белсене араласуы өңірдің әлеуметтік тұрақтылығына және жалпы экономикалық даму қарқынына оң әсерін тигізуде. Түркістан облысында әйелдер тек еңбек нарығының қатысушылары ғана емес, қоғамның түрлі саласында көшбасшы рөл атқарып отыр.

 Орта және шағын бизнес саласында әйелдердің үлесі 35%-ға жеткен. Ауыл шаруашылығы, білім, денсаулық сақтау саласында әйелдердің басым бөлігі жұмыс істейді. 2024 жылдың қарашасында Түркістан облысында «Әйелдер кәсіпкерлігін дамыту орталығы» ашылды. Мұнда әйелдерге бизнес-жоспар құру, қаржы институттарына шығу, маркетингтік білім алу бойынша тегін кеңес беріледі. Алғашқы үш айда орталыққа 700-ден астам әйел жүгінген. Қыз балалардың білім алуына қолдау Түркістан облысында мектеп жасындағы қыз балалардың білім алу деңгейі соңғы бес жылда айтарлықтай артқан. 2023 жылы Түркістандағы Назарбаев Зияткерлік мектебінде қыз балалардың үлесі 54% болған. Ауылдық жерлерде мектепке бармай қалған қыз балалардың мәселесін шешу үшін «Қыз бала – болашақ ана» бағдарламасы іске қосылған. Сондай-ақ, 2025 жылдың басында Жетісай және Сарыағаш аудандарында қыз балаларға арналған IT және STEM бағытындағы тегін курстар ашылды.

Бұл курстарға қазірдің өзінде 300-ден астам жасөспірім қыз қатысуда. Әйелдер кәсіпкерлігі Әйел кәсіпкерлігін дамыту – гендерлік саясаттың маңызды бөлігі. 2024 жылы Түркістан облысында «Ана кәсіпкер» жобасы аясында 1 200 әйел кәсіп ашуға грант алды. Олардың ішінде тігін цехы, кондитерлік өнімдер, ауыл шаруашылығы кооперативтері бар. 2024 жылдың соңында Түркістан қаласында әйелдерге арналған индустриялық аймақ құрыла бастады. Мұнда шағын өндіріс орындары, қолөнер шеберханалары, әлеуметтік кәсіпкерлік жобалары іске қосылмақ. Гендерлік теңдік және отбасылық құндылықтар Гендерлік саясат тек экономикалық қолдау емес, сонымен қатар қоғамдағы сана-сезімді өзгертуге бағытталған. Түркістан облысында «Әкелер мектебі» мен «Аналар клубы» жұмыс істейді. Бұл бастамалар отбасында әке мен ананың рөлін тең дәрежеде қалыптастыруға ықпал етеді. Мектептерде «Отбасылық өмір мәдениеті» факультативі енгізіліп, қыз балаларға өзін-өзі бағалау, құқықтық сауаттылық, көшбасшылық дағдылар үйретілуде. 2025 жылдың ақпан айында Түркістанда өткен «Әйелдер және қоғам» форумына Қазақстанның түкпір-түкпірінен 300-ден астам белсенді әйел жиналды. Форумда гендерлік саясаттың жаңа бағыттары талқыланып, әйелдердің саясатқа қатысуын кеңейту ұсынылды.