Түркістан облысы қоғамдық даму басқармасы «Жастар ресурстық орталығы» КММ-нің ұйымдастыруымен “Түркістан” жоғары көпсалалы мелициналық колледжінде «Заң мен тәртіп» тақырыбында кездесу өтті,- деп хабарлайды turkistan.today
Кездесу мақсаты - жастар арасында құқықтық сауаттылықты арттыру, заң мәселелері бойынша түсінік беру және құқық қорғау органдарының жұмысымен таныстыру.
Кездесуге Түркістан облысының адвокаты Бекжан Кыдырбаев, Түркістан облысының жеке сот орындаушы Даурен Бектибаев, Түркістан облысының нотариус маманы Гулхаё Раметова мен Түркістан облысының Әділет департаментінің маманы Сәбит Танирбергенов спикер ретінде қатысты. Олар өз салалары бойынша жастарға маңызды ақпараттар беріп, заң мен құқықтық нормалар туралы әңгімеледі.
Спикерлер жастарға заңды білудің, өз құқықтарын қорғаудың маңыздылығын, адвокат қызметінің негізгі аспектілерін, құқықтық көмек көрсету тәсілдерін баяндап, жастарды құқықтық тәртіпті сақтау, заңнамаларды білу және құқықтарын қорғау жөнінде кеңестер берді.
Кездесу барысында қатысушылар өздерін қызықтырған сұрақтарды қойып, құқықтық мәселелер бойынша пікір алмасты. Бұл шара жастарға құқықтық білімдерін арттыруға, заң мен тәртіпті түсінуге мүмкіндік береді. Мұндай кездесулер құқықтық мәдениетті қалыптастыруға және жастар арасында құқықтық сауаттылықты жоғарылатуға ықпал етеді.
Астана, Ш.Қалдаяков көш, 23/1, 26 кеңсе
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
